ჩაქუჩის უსაფრთხოების გაფრთხილებები
- ატარეთ ყურის დამცველები. ხმაურმა შეიძლება გამოიწვიოს სმენის დაკარგვა.
- გამოიყენეთ დამხმარე სახელურ(ებ)ი, თუ მოყვება ხელსაწყოს. კონტროლის დაკარგვამ შეიძლება გამოიწვიოს დაზიანება.
- დაიჭირეთ ელექტროხელსაწყო იზოლირებული სახელურებით, მუშაობის შესრულებისას, სადაც მჭრელი აქსესუარები შეიძლება შეეხოს ფარულ გაყვანილობას ან საკუთარ კაბელს. მჭრელი აქსესუარების ძაბვის ქვეშ მყოფ სადენთან კონტაქტისას, ელექტროხელსაწყოს ლითონის ნაწილები შესაძლოა დენგამტარი გახდეს და გამოიწვიოს ოპერატორის ელექტროშოკი.
- ყოველთვის დაიწყეთ ბურღვა დაბალ სიჩქარეზე, ისე რომ ბურღის წვერი კონტაქტში იყოს დასამუშავებელი დეტალთან. უფრო მაღალ სიჩქარეებზე, თუ ბურღი მაღალ სიჩქარეზე თავისუფლად იბრუნებს დასამუშავებელ დეტალთან შეხების გარეშე, ის შეიძლება გაიღუნოს, რამაც შესაძლოა სხეულის დაზიანება გამოიწვიოს.
- ბურღვისას, დაატანეთ ძალა ბურღით, მხოლოდ სწორ ხაზზე და ზედმეტად არ დააწვეთ. ბურღები შეიძლება გაიღუნოს და გამოიწვიოს ხელსაწყოს გატეხვა ან მართვის კონტროლის დაკარგვა და შედეგად, სხეულის დაზიანება.
- გამოიყენეთ შესაბამისი დეტექტორები სამუშაო ზონაში ფარული მიწოდების ხაზების დასადგენად ან მიმართეთ დახმარებისთვის ადგილობრივ კომუნალური მომსახურების კომპანიას. კონტაქტმა ელექტროხაზებთან შეიძლება გამოიწვიოს ხანძარი და ელექტროშოკი. გაზის ხაზის დაზიანებამ შეიძლება გამოიწვიოს აფეთქება. წყლის ხაზში შეღწევა იწვევს ქონების დაზიანებას ან შეიძლება გამოიწვიოს ელექტროშოკი.
- ყოველთვის დაელოდეთ, სანამ ელექტროხელსაწყო ბოლომდე გაჩერდება სანამ დადებთ მას ქვემოთ. გამოყენებისას ხელსაწყო შეიძლება გაიჭედოს და გამოიწვიოს თქვენს მიერ ელექტროსაწყოზე კონტროლის დაკარგვა.
- დააფიქსირეთ სამუშაო ნაწილი. ნაკეთობის დაფიქსირება დამჭერი მოწყობილობით ან გირაგით უფრო უსაფრთხოა, ვიდრე ხელით.
- არ შეეხოთ აპლიკაციის ხელსაწყოებს ან კორპუსის გვერდითა კომპონენტებს ექსპლუატაციის შემდეგ მალევე. ისინი შეიძლება ძლიერად გახურდეს მუშაობის დროს და გამოიწვიოს დამწვრობა.
- აპლიკაციის ხელსაწყო შეიძლება გაიჭედოს გაბურღვის დროს. დარწმუნდით, რომ მყარად დგახათ ფეხზე და დაიჭირეთ ელექტროხელსაწყო მჭიდროდ ორივე ხელით. სხვაგვარად დაკარგავთ ელექტროხელსაწყოზე კონტროლს.
- ფრთხილად იყავით ჩიზელით დანგრევის სამუშაოების შესრულებისას. სანგრევი მასალის ვარდნილმა ფრაგმენტებმა შესაძლოა დაგაზიანოთ თქვენ ან გარშემომყოფები.
- დაიჭირეთ ელექტროხელსაწყო მჭიდროთ ორივე ხელით და დარწმუნდით, რომ მყარად დგახათ ფეხზე. ელექტროხელსაწყო უფრო საიმედოთ შეგიძლიათ მართოთ ორივე ხელით.
- ყურადღება! ელექტროხელსაწყოს გამოყენებამ Bluetooth ® -ით შეიძლება გამოიწვიოს დაბრკოლებები სხვა მოწყობილობების და აღჭურვილობის, საფრენი აპარატების და სამედიცინო მოწყობილობების (მაგალითად, კარდიოსტიმულატორების, სმენის აპარატების) მუშაობაში. ასევე, არ არის მთლიანად გამორიცხული უშუალო სიახლოვეში მყოფი ადამიანებისა და ცხოველების დაზიანების საშიშროება. არ გამოიყენოთ ელექტროხელსაწყო Bluetooth®-ით სამედიცინო აღჭურვილობის, ბენზინგასამართი სადგურების, ქიმიური ქარხნების სიახლოვეში, ფეთქებად ზონებში ან აფეთქების სამუშაოების წარმოების ადგილებში. არ გამოიყენოთ ელექტროხელსაწყო Bluetooth® -ით თვითფრინავში. არ გამოიყენოთ ხელსაწყო სხეულთან უშუალო სიახლოვეში დიდი ხნის განმავლობაში.
სიტყვიერი სავაჭრო ნიშანი Bluetooth® და გრაფიკული ნიშანი (ლოგოტიპი) წარმოადგენს დარეგისტრირებულ სავაჭრო ნიშანს და Bluetooth SIG, Inc-ის საკუთრებას. სიტყვიერი/გრაფიკული სავაჭრო ნიშნის ნებისმიერი გამოყენება ხორციელდება Robert Bosch Power Tools GmbH ლიცენზიით.